ҰБТ - ға дайындық - нәтижеге бастар қадам!
Мектебіміздің 11-сынып оқушылары BilimClass платформасында Ұлттық бірыңғай тестілеуге дайындық деңгейлерін анықтау мақсатында сынама тестілеуден өтті.Тестілеу барысында білім алушылар өз білімдерін тексеріп, таңдаған бейіндік пәндері бойынша дайындық деңгейін саралауға және алдағы жұмыстың басым бағыттарын айқындауға мүмкіндік алды.Сынама тест – тек білімді тексеру құралы ғана емес, ол әр оқушының алдағы мақсатына жету жолындағы маңызды қадамы.
Мұндай жұмыстар:
- білімдегі олқылықтарды анықтап, оларды толықтыруға;
- уақытты тиімді жоспарлап, дұрыс пайдалануға;
- тестілеу форматына бейімделіп, психологиялық дайындықты қалыптастыруға;
- жеке дайындық бағытын айқындауға ықпал етеді.
Басты мақсатымыз – әр оқушының білімін шыңдап, ҰБТ-да жоғары нәтижеге қол жеткізуіне жүйелі қолдау көрсету!
Талап пен табандылық – жетістік кепілі! 11-сынып түлектеріне сәттілік тілейміз!









