RU KZ

«Аягөз ауданының құрметті азаматы» төсбелгісі табысталды.

🎉 ҚҰТТЫҚТАЙМЫЗ!
Мектебіміздің ұзақ жылдар бойы директоры қызметін абыроймен атқарып, білім ордасының өркендеуіне, жас ұрпақтың сапалы білім мен саналы тәрбие алуына өлшеусіз үлес қосқан ардақты ардагер ұстазымыз Мырзаханов Мақсұт Тұрсәлімұлын зор қуанышпен құттықтаймыз!
2026 жылдың тамыз айында Мақсұт Тұрсәлімұлына ауданымыздың дамуына сіңірген еңбегі мен ел алдындағы елеулі қызметінің лайықты бағасы ретінде «Аягөз ауданының құрметті азаматы» төсбелгісі табысталды.
Бұл – тек бір адамның жетістігі ғана емес, саналы ғұмырын білім саласына арнап, талай шәкірттің жүрегіне жол тапқан, ұстаздар қауымының құрметіне бөленген тұлғаның еңбегіне берілген зор баға.
Құрметті Мақсұт Тұрсәлімұлы!
Сізге мектебіміздің қалыптасуы мен дамуына қосқан өлшеусіз үлесіңіз, ұстаздық жолдағы өнегелі еңбегіңіз, кейінгі буынға қалдырған тағылымыңыз үшін шынайы алғысымызды білдіреміз!
Мектеп ұжымы атынан Сізді осы мәртебелі марапатыңызбен шын жүректен құттықтай отырып, зор денсаулық, ұзақ ғұмыр, отбасыңызға амандық, көңіліңізге шаттық тілейміз! Еңбегіңіздің жемісін көріп, ел құрметіне бөленіп, әрдайым ортамыздың қадірлі ақсақалы болып жүре беріңіз!
Мәртебеңіз биіктеп, абыройыңыз асқақтай берсін!
Добавлено: 6-11-2026, 11:03
0
16

Добавить комментарий

Кликните на изображение чтобы обновить код, если он неразборчив

Наверх