«Даналық мектебінің» алғашқы отырысы өткізілді.

Абай облысы білім басқармасының Аягөз ауданы білім бөлімінің «№5 жалпы орта білім беретін мектебі» КММ-де 2026 жылдың 11 қыркүйек күні «Даналық мектебінің» алғашқы отырысы өткізілді.
Іс-шараның негізгі мақсаты – аға буынның педагогикалық әлеуетін жандандыру арқылы ата-аналардың позитивті мәдениетін дамытуға ықпал ету, сондай-ақ ұлттық құндылықтарды дәріптеп, ұрпақтар сабақтастығын нығайту.
Отырыс барысында «Әкелер мектебі», «Әжелер мектебі», «Ағалар мектебі», «Жеңгелер мектебі» бағыттарының мақсат-міндеттері таныстырылды. Аталған мектептер арқылы халқымыздың озық салт-дәстүрлерін насихаттау, жас ұрпаққа ұлттық тәрбие беру, отбасылық құндылықтарды дәріптеу және тәрбие сабақтастығын қамтамасыз ету мәселелері талқыланды.
Кездесу барысында қатысушылар өз ой-пікірлерімен бөлісіп, алдағы уақытта атқарылатын жұмыстардың бағыттарын айқындап,жұмыс жоспарларын бекітті.
Даналық мектебі – ұлттық тәрбиені ұлықтап, ұрпақтар сабақтастығын жалғастыратын тағылымды орта!
«Даналық мектебінің» жетекшісі – Оспанова Күлмесқан Ермұхамедовна.