Жол ережесін біл – өз өміріңді сақта!
2026 жылдың 11 қыркүйек күні6"А"сынып оқушыларымен жол қозғалысы қауіпсіздігі ережелерін сақтау тақырыбында сынып сағаты өткізілді.
Жолда жүрудің негізгі ережелері, жаяу жүргіншілер өткелінен дұрыс өту, бағдаршам белгілерін сақтау, жол бойында сақтық таныту туралы түсінік берілді. Сонымен қатар велосипед, самокат және қоғамдық көлікті пайдалану кезіндегі қауіпсіздік талаптары түсіндірілді.
Оқушыларға жолдағы қауіпсіздік ережелерін сақтау – әр адамның өмірі мен денсаулығын қорғаудың маңызды шарты екені айтылды. Балалар өз білімдерін сұрақ-жауап арқылы бекітіп, жолда кездесетін түрлі жағдайларда дұрыс әрекет ету жолдарын талқылады.
Басты мақсат – оқушылардың жол қауіпсіздігі мәдениетін қалыптастырып, жол-көлік оқиғаларының алдын алу.
Жол ережесін біл – өз өміріңді сақта!
