AYAGOZ SMART BAG – ұлттық нақыштағы смарт-сөмке телеарнада!
AYAGOZ SMART BAG – ұлттық нақыштағы смарт-сөмке телеарнада!Абай облысы білім басқармасы Аягөз ауданы білім бөлімінің «№ 5 жалпы білім беретін орта мектебі» КММ-нің 7 «А» сынып оқушысы Тұрсын Малика көркем еңбек пәнінің мұғалімі Қоңырбаева Әсел Қалиқанқызымен бірге Семей телеарнасына сұхбат берді.
Сұхбат барысында “AYAGOZ BRAND – ұлттық нақыштағы экологиялық ланч-бокс сөмкесі” жобасы таныстырылды.
Жобаның басты ерекшелігі – қайта пайдаланылған материалдарға екінші өмір сыйлап, пайдалы әрі заманауи бұйым жасау. Сөмкені тігу барысында джинса матасы, жарамсыз қолшатырдың су өткізбейтін матасы және жылу сақтауға көмектесетін изолон қолданылған. Ұлттық нақыш пен заманауи дизайнды үйлестірген бұл бұйым экологиялық мәдениетті қалыптастыруға бағытталған.
Айта кетейік, өткен жылы Тұрсын Малика “AYAGOZ BRAND”аясында оқушылардың сабаққа қажетті құралдарын салып жүруге арналған смарт-сөмке тігіп, өз жобасын ұсынған болатын. Биылғы экологиялық ланч-бокс сөмкесі – сол шығармашылық ізденістің жалғасы.
Бұл сұхбат жас өнертапқыштың шығармашылық қабілетін, қолөнерге деген қызығушылығын және ұстаз бен шәкірттің бірлескен еңбегін көпшілікке танытуға мүмкіндік берді.
“Ұлттық нақыш – заманауи қолданыс!
Қалдыққа – екінші өмір!
AYAGOZ BRAND – жасампаздық пен экологиялық мәдениет бастауы!”









