“Ұстаз – мектептің жүрегі” атты эссе байқауы

2026 жылдың 1 қазанында “№5 ЖОББМ” КММ-де “Мұғалімдер күні” мерекесіне орай ұйымдастырылған “Ұстаздарға мың алғыс” онкүндігінің жоспары аясында 9–10 сынып оқушылары арасында “Ұстаз – мектептің жүрегі” атты эссе байқауы өткізілді.
Байқаудың мақсаты – оқушылардың ұстаз еңбегіне деген құрметі мен алғысын арттыру, мұғалім мамандығының қоғамдағы маңызын түсіндіру, оқушылардың шығармашылық қабілеті мен жазу мәдениетін дамыту.
Эссе жазу барысында оқушылар ұстаздың адам өміріндегі орны, білім мен тәрбие берудегі ерен еңбегі, шәкірт жүрегіндегі ұстаз бейнесі туралы өз ойларын еркін жеткізді. Әр оқушы өз эссесінде ұстазға деген ыстық ықыласын, ризашылығын және жүрекжарды алғысын көркем тілмен өрнектеді.
Іс-шара барысында оқушылардың шығармашылық ізденісі, ой тереңдігі, сауатты жазуы мен өзіндік көзқарасы назарға алынды.
Ұстаз – шәкіртке білім беріп қана қоймай, оның жүрегіне ізгілік, адамгершілік пен арман ұрығын себетін ұлы тұлға. Сондықтан бұл байқау оқушылардың ұстаз еңбегін бағалап, “Ұстазға құрмет – білімге құрмет” екенін терең түсінуіне мүмкіндік берді.