Жас өнертапқыш Семей Телеарнасында

Мектебіміздің мақтанышы – «№5 жалпы орта білім беретін мектебі» КММ-нің 6-сынып оқушысы, ұлттық стильде жасалған инновациялық Ayagoz Brand SMART-сөмкесінің авторы Тұрсын Малика және оның жетекшісі, көркем еңбек пәнінің мұғалімі Конырбаева Асель Калихановна «Қазақстан» РТРК» АҚ-ның Абай облыстық филиалы Семей телеарнасына барып, өз жобаларын таныстырып, сұхбат беріп қайтты.

Жергілікті арнада жас өнертапқыштың еңбегі кеңінен насихатталып, жобаның ерекшелігі мен жаңашылдығы туралы мазмұнды әңгіме өрбіді. Бұл – мектебіміз үшін зор жетістік әрі оқушыларымыздың шығармашылық әлеуетінің жоғары деңгейін көрсететін маңызды оқиға.