Халықаралық Балалардың құқығын қорғау

Абай облысы,Аягөз қаласы “№5 жалпы орта білім беру мектебінің” 9 сынып оқушысы,Бала омбудсмені Кумпейсова Айназ Беделханқызы .2025жылдың 20 қарашасында Халықаралық Балалардың құқығын қорғау күніне орай, Астана қаласындағы форумға қатысты..Жалпы форумның мақсаты — балалардың құқығы, қауіпсіздігі және дауысы естілетін ортаны қалыптастыруға арналған маңызды кездесулердің бірі болды. Форумның негізгі мақсаты — балалардың пікірін ашық тыңдап, мектептерде, қоғамда және интернет кеңістігінде қауіпсіз әрі қолайлы жағдай жасау жолдарын бірге іздеу.
Бір күн ішінде түрлі мамандар, белсенді жастар, PR мамандары және оқушылар өз тәжірибесімен бөлісіп, балаларға қатысты өзекті мәселелерді талқылады. Буллингтің алдын алу, психологиялық қолдау, қауіпсіз мектеп мәдениеті, инклюзивті орта қалыптастыру,оқушылар арасындағы жәбір көрсету,ақпараттық қауіпсіздік,буллинг,кибербуллинг,алаяқтық,фишинг т.б— бәрі өте мәнді тақырыптар болды.
Сонымен қатар оқушыға ерекше әсер қалдырған бөлім — фишингтік онлайн алаяқтық туралы тренинг. Онда интернеттегі жалған сілтемелер, фейк аккаунттар, жеке мәліметтерді қорғау, киберқауіпсіздік ережелері қарастырылды. Балаларға қауіпсіз онлайн орта құру тек ересектердің емес, әр қолданушының жауапкершілігі екені тағы бір рет дәлелденді. Бұл тренинг көп адамға пайдалы ақпарат беріп, сақ болуды үйретті.Оқушы форумнан үлкен әсер алды және де бұл конференция оқушыға мотивация, сенім және жаңа идея сыйлады.