«Қамшы — жай ғана бұйым емес, бұл – тарих, тәрбие және рух.

Мектебімізде ұлттық қолөнерге ерекше қызығушылық танытып жүрген жас шебер – 7-сынып оқушысы Салихан Әлихан Айтуғанұлы. Бұл жасөспірім ата-баба өнерін игеріп, қамшы өрудің күрделі техникасын жетік меңгерген.Бүгінде ол қамшының 15 түрлі өрімін жасап, өзіндік қолтаңбасы бар шеберге айналып келеді. «Қамшы — жай ғана бұйым емес, бұл – тарих, тәрбие және рух. Әр өрімді жасаған сайын ата-бабаларымыздың өмір салтын, батырлық болмысын көз алдыма елестетемін», – дейді жас шебер. Әлихан қамшы өруді бала күнінен әкесінен көріп үйренген. Уақыт өте келе бұл қызығушылық нағыз шеберлікке ұласқан. Ол тек қамшы өрумен шектелмей, оның тарихын, мағынасын және түрлерін де терең зерттейді.Қазіргі таңда ол дойыр, тобылғы сапты, өрме, сегіз өрім, шынжыр баулы, алақанды және сәндік қамшылардың бірнеше үлгілерін жасап шығарған.
«Мақсатым – қамшы өру өнерін меңгеріп қана қоймай, ұлттық мұраға деген құрмет пен қызығушылықты арттыру», – дейді Әлихан.
Сонымен қатар, биылғы оқу жылында өткен «Зерде» ғылыми жоба конкурсында Салихан Алихан мен Маулетқазы Нұрайша
«Ат спорты және ұлттық құндылықтар: спорттық туризм мен тәрбиенің өзара сабақтастығы» атты зерттеу жұмысын ұсынып, ұлттық құндылықтарымызды дәріптеді.
Оқушылар өздерінің «Арғымақ» этно-лагерь жобасы арқылы қазақтың ат спорты мен ұлттық тәрбиенің сабақтастығын насихаттап,
болашақта туризмнің дамуына үлес қосуға бағытталған идеяларын ұсынды.
Нәтижесінде, жоба жеңімпаз атанып, жоғары бағаға ие болып, Облыстық кезеңге жолдама алды.Жетекшісі:Буршакбаев Мухит Едилович