«Адал азамат: құндылық, инновация, тәжірибе» тақырыбында республикалық семинар-практикум

30–31 наурыз күндері Тараз қаласында «Адал азамат: құндылық, инновация, тәжірибе» тақырыбында республикалық семинар-практикум өтті. Аталған іс-шараға еліміздің түкпір-түкпірінен келген 200-ден астам педагог пен сала сарапшылары қатысып, тәжірибе алмасып, өзекті мәселелерді талқылады.
Абай облысының атынан семинарға Абай облысы білім басқармасының Аягөз ауданы білім бөлімінің «№ 5 жалпы орта білім беретін мектебі» КММ-ның биология пәні мұғалімі, педагог-зерттеуші Шонашева Аида Газизовна қатысып, «Биология пәнін оқыту барысында «Адал азамат» біртұтас тәрбие бағдарламасын іске асыру» тақырыбында баяндама жасап, өз іс-тәжірибесімен бөлісті.
Семинар барысында ұсынылған тәжірибелер педагогтердің кәсіби шеберлігін арттыруға, білім беру үдерісіне жаңа идеялар мен тиімді әдістерді енгізуге мүмкіндік берді.