«Ақылды балалар» атты интеллектуалдық сайыс

2025 жылдың 12 қараша күні Аягөз ауданы білім бөлімінің
«№5 жалпы орта білім беретін мектебі» КММ-де 2 сынып оқушылары арасында «Ақылды балалар» атты интеллектуалдық сайыс өткізілді.Жүргізуші Бастауыш сынып мұғалімі: Тыныбаева Г.Д. Сайыстың мақсаты – оқушылардың логикалық ойлау қабілетін, зейінін, есте сақтауын және топпен жұмыс жасау дағдыларын дамыту.
Сайыс 4 кезеңнен тұрды:
1. «Кім жылдам?» – жылдам жауап беру дағдысын анықтау.
2. «Қай жануар?» – логикалық сипаттама арқылы жануарды табу.
3. «Сөз ойыны» – ой-өріс пен сөздік қорды тексеру.
4. «Суретпен сөйлейік» – сөйлеу, байланыстырып сөйлем құрау қабілетін дамыту.
Сайысқа 4 команда қатысып, әр кезең бойынша әділқазылар алқасы бағалап отырды. Қатысушылар белсенділік танытып, өз білімдерін жоғары деңгейде көрсетті.
Сайыс соңында барлық оқушылар мадақтамалармен және номинациялармен марапатталды.