Мектеп тарихы
Тарихы терең, тағлымы мол білім ордасы
50 жыл – бұл дүние тарихы үшін қысқа мерзім, ал білім ордасы үшін – тарихтың бір бөлігі. Заман талабына сай 1966 жылы мектептің оқу корпусы, оқу кластары, спорт зал, оқу шеберханасы, асхана т. б. қажеттілікке орай салынған қаладағы тұңғыш типтік аралас мектеп. Алғаш мектеп ашылғанда 40 ұстаз,760 оқушы яғни 18 класс комплектісімен мектеп өз жұмысын бастаған. Тұңғыш мектеп директоры, мектептің оқу-тәрбие жұмысының бір ізге түсіп, өнегелі жұмыс атқаруына басшылық берген басшы- Степан Андреевич Балахненко. Орта мектеп ретінде 1967 жылы алғашқы түлектер бітіріп шықты. 50 жыл ішінде осы ұжымда ұрпақ тағдырына алаңдап, мектеп жұмысын жетілдіруге атсалысқан ұстаз атына лайықты білікті педагог – директорлар: Е.М.Штейн, К.Б.Балғайрақов, О.К. Нуралинов, М.Т.Мырзаханов басқарған.
Әр адамның жүріп өткен жолының соңынан да із қалады. Ал мектеп тарихында еңбегімен есімі еленіп, білім ордасында өз қолтаңбасын қалдырған ұстаздың орны бір бөлек. Олар: Н.А.Прошунина(Қазақстан Республикасының озық қызметкері, Г.Х.Валишева (Қазақстан Республикасының озық қызметкері), Г.М.Аялбаева(Қазақстан Республикасының озық қызметкері), З.О.Сатылғанова(Қазақстан Республикасының озық қызметкері) С.П.Нукерова (Қазақстан Республикасының озық қызметкері), В.И.Шабалина( Қазақстан Республикасының озық қызметкері) Б.Қ.Оспанова(Қазақстан Республикасының озық қызметкері)
Мектептің елу жылдық өмір тарихында талай ұлт пен ұлыстың баласы білім алып, Отанымыздың игілігіне қызмет атқаруға өмірлік жолдамамен аттанды. Түлектер арасында есімдері көпке танымал азаматтар, ғылым мен өнер жұлдыздары, қоғам мен мемлекет қайраткерлері,генералдар, ауған соғысына қатысушылар, ұшқыш, , профессор,ғылым докторлары, ғылым кандидаттары да бар. Бүгінгі таңда мектеп тарихында:
Төлеуханов Аймухамет Айтказинович- генерал- лейтенант.
Нұғыманова Қарлығаш Жандельдиновна-политология ғылымының докторы, профессор.
Жандельдина Зинаш Жандельдиновна- Білім және ғылым Министрлігінде қызметкер.
Тұрлыбаев Мақсат, Толқынбаев Талғат, Жармағамбетова Фариза - заң қызметкерлері.
Туркестанова Галия Абылмансуровна- ҚР Ұлттық Банкінің аудит бақармасының басшысы
Жатақпаева Разия Баймухаметовна- «Алель Агро»акционерлік қоғамының председателі.
Метанова Перизат, Маңғазбаева Роза Карияновна, Ахмеджанова Сауле,Қилыбаева Еркеш Садвалиевна, Мусина Гулнар, Сатыбалдинова Галия Оразбековна - дәрігерлер.
Нашарбеков Нурлан Жандильдинович, Сарыбаева Айтжамал Шагымановна – мектеп директорлары
Исмагулова Нагира Умурзаковна, Асубаева Сауле, Жанузакова Жазира, Касенханова Гулнар Олжагуловна,Омаркулова Гулназ Сериккановна-ұстаздар.
Берюлин Андрей- подполковник, әскери қызметкер.
Нұрахметова Баян, Жармағамбетова Мадина-нотариус
Нашанов Жұмабек Рамазанович-медицина ғылымының кандидаты, онколог.
Рыгебаев Рустам Рифхатович, Сарсекенова Кенжеш- спорт шеберлері
Искаков Саулебек Балтыкенович, Сатпаев Совет Хасенович, Қожаев Қанат Кайратович- кәсіпкер
Заитов Ринат Рифхатович – ақын
Орақбаева Арай Бейбітқызы- әнші, киноактриса
Тұрарова Перизат- дәстүрлі әнші болуының өзі зор мақтаныш.
Бұл тізімді шексіз соза беруге болар еді, бірақ қорыта айтқанда шәкірттеріміз ҚР-ның көп салалы экономикасына, білімі мен ғылымына үлес қосып жүрген азаматтар.
Қазіргі таңда әртүрлі жоғары оқу орындарында оқып жатқан, еңбек етіп жүрген және мектеп партасында білім алып жатқан шәкірттеріміз мектеп тарихының жарқын беттерін алтын әріптермен жазылатын тың оқиғалармен толтыра түсетініне сеніміміз мол.
«№5жалпы білім беретін орта мектеп» коммуналдық мекемесінің тарихи тізбесі:
* 1966 жылы жобалық қуаты 960 оқушыға арналған типтік мектеп салынды
*1966 жылы 1қыркүйекте аралас орта мектеп болып ашылды.
*1997 жылдан автоісі іске қосылды.
*2000 жылдан бастап қазақ тілінде оқытатын мектеп болды.
*2007-2015 жылға дейін мектеп жанындағы шағын орталық ұйымдастырылды.
*2010жылдан қосымша теңестіру кластары ашылды.
* 2010 жылы облыс көлемінде «Жыл мектебі» атанды.
