"Әке мен бала" тақырыбында оқушыларға арналған танымдық сағаты өткізілді.

25.02.2025 жылы "№ 5 ЖОББМ" КММ- де қазақ мәдениетінің дамуына үлес қосқан, Алаш қайраткері, абайтанушы ғалым Қайым Мұхамедхановтың әкесі Мұхамедхан Сейітқұловтың 155 жылдығына орай "Әке мен бала:Мұхамедхан Сейтқұлов және Қайым Мұхаметқанов" тақырыбында оқушыларға арналған танымдық сағаты өткізілді.Іс-шараны ДТІЖО Ж.М.Мадымов жүргізді.
Танымдық сағат барысында Мұхамедхан Сейітқұловтың қазақ қоғамындағы орны, ағартушылық қызметі, Абай дәстүрін жалғастырудағы еңбегі және оның ұлы Қайым Мұхамедхановтың ғылыми мұрасы кеңінен талқыланды. Оқушыларға тарихи деректер, мұрағат материалдары, суреттер және бейнематериалдар ұсынылып, олардың қызығушылығын арттыру мақсатында интерактивті сұрақ-жауап бөлімдері ұйымдастырылды.
Шара барысында оқушылар Мұхамедхан Сейітқұловтың Абаймен және сол дәуірдегі басқа да зиялы қауым өкілдерімен байланысы, оның Семейдегі мәдени-ағартушылық қызметтері туралы мағлұмат алды.