"Білімім - Отаныма" салтанатты мерекесі

Мектебімізде ерекше әсер мен толқынысқа толы “Сыңғырла қоңырау – 2026” салтанатты іс-шарасы жоғары деңгейде ұйымдастырылды. Бұл күн – мектеп қабырғасындағы балалық шақпен қоштасып, үлкен өмірге қадам басқан түлектер үшін ұмытылмас сәт болды.
Салтанатты жиында мектеп директоры Молдашева Лязат Тұрсынқызы ұстаздар мен ата-аналарды құттықтап ,түлектерге ақ жол тілеп, жүрекжарды лебіздерін білдірді. Биылғы оқу жылын табысты аяқтаған озат оқушылар марапатталып, белсенді шәкірттерге алғыс хаттар табысталды.Атап айтсақ ,"Алтын белгі" иегерлеріне "Шәкәрім" гранты табысталды.
Мерекелік шара барысында оқушылар ән айтып, би билеп, мектеппен қоштасу сәттерін әсерлі қойылымдар арқылы жеткізді. Түлектердің ұстаздарға деген алғысы мен мектепке деген сағынышқа толы сөздері көпшіліктің көңілін толқытты.
Күмбірлеген соңғы қоңырау үні әр түлектің жүрегінде мәңгі сақталатын ерекше естелікке айналды. Мектеп ұжымы жас түлектерге сәттілік, биік белестер мен жарқын болашақ тіледі!