"Заң және тәртіп"

"Адал азамат" біртұтас тәрбие бағдарламасының "Заң және тәртіп" құндылығы бойынша мектебіміздің оқушылары арасында тәртіп пен жауапкершілік мәселелерін талқылауға арналған дебат ойыны өтті. Іс-шараның негізгі тақырыбы — «Тәртіп жазамен қалыптасады ма?» . Пікірсайыс барысында қатысушылар қоғамдағы тәртіптің маңызын, жазаның тәрбиелік рөлін және баламалы тәсілдердің тиімділігін жан-жақты талқылады.
Үкімет тобы «жаза — жауапкершілікті арттыратын негізгі құрал» деген көзқарасты ұстанса, оппозиция тобы «тәртіп түсінік пен үлгі арқылы қалыптасады» деген пікірді қорғады.
Дебат ойындары қызу талқылаумен өтіп, қатысушылар өз ойларын дәлелдер мен мысалдар арқылы негіздеп шықты. Шара соңында төрешілер үздік спикерлерді марапаттап, белсенді қатысушыларға алғыс білдірді.