Оқушылар арасында құқықтық және әлеуметтік маңызды тақырыптар бойынша түсіндіру жұмыстары жүргізілді.
Аягөз қаласында оқушылар арасында құқықтық және әлеуметтік маңызды тақырыптар бойынша түсіндіру жұмыстары жүргізілді.Аягөз аудандық полиция бөлімінің КТІЖ УПИ полиция капитаны Ұ.Шора «№5 жалпы орта білім беретін мектеп» КММ-де 8–11 сынып оқушыларымен кездесу өткізді. Іс-шараның негізгі мақсаты – жасөспірімдер арасында ерте жүктіліктің алдын алу, сондай-ақ ұрлық құқықбұзушылығының алдын алу бағытында түсіндіру жұмыстарын жүргізу болды.
Кездесу барысында полиция капитаны оқушыларға ерте жүктіліктің денсаулыққа, психологиялық жағдайға және болашақ өмірге тигізетін кері әсерлері туралы жан-жақты ақпарат берді. Сонымен қатар, жасөспірімдерге жауапкершілік, өз денсаулығына ұқыпты қарау және дұрыс өмірлік таңдау жасау қажеттілігі түсіндірілді.
