«ӘРЕКЕТ УАҚЫТЫ» — ЖАҢА ИДЕЯЛАР МЕН ЖАС КӨШБАСШЫЛАРДЫҢ БАС ҚОСУЫ!
«ӘРЕКЕТ УАҚЫТЫ» — ЖАҢА ИДЕЯЛАР МЕН ЖАС КӨШБАСШЫЛАРДЫҢ БАС ҚОСУЫ!Абай облысында өткен «Әрекет уақыты» атты жас көшбасшылар құрылтайына мектебіміздің белсенді оқушысы, мектеп парламентінің президенті Кумпейсова Айназ Беделханқызы қатысты.
Аталған құрылтайға облыстың 75-тен астам белсенді жас көшбасшылары жиналып, өзара тәжірибе алмасып, тың идеяларымен бөлісіп, болашаққа бағытталған маңызды бастамаларды талқылады.
Бұл бас қосу — жай ғана кездесу емес, жас ұрпақтың азаматтық белсенділігін арттырып, көшбасшылық қабілетін шыңдауға, ортақ мақсат жолында бірігуге мүмкіндік берген ерекше алаң болды.
Құрылтай барысында қатысушылар жаңа таныстық орнатып, өз ойларын ортаға салып, өзгелердің тәжірибесінен тағылым ала білді.
Көшбасшы болу — атаққа ие болу емес, бастама көтеру, жауапкершілік алу және айналаңа оң өзгеріс әкеле білу.
Айназдың осындай маңызды басқосуға қатысуы — оның көшбасшылық жолындағы кезекті қадамы мен жаңа мүмкіндіктерге бастар жарқын тәжірибе деп сенеміз.
Жас көшбасшылардың әрбір әрекеті — болашаққа басталған үлкен қадам!









