Үстел теннисі

2026 жылдың 26–28 маусым күндері Алматы қаласында Қазақстанның еңбек сіңірген жаттықтырушысы, КСРО спорт шебері Владимир Переверзевті еске алуға арналған үстел теннисінен республикалық ашық турнир дәстүрлі түрде ұйымдастырылды.
Аталған жарысқа еліміздің түкпір-түкпірінен, атап айтқанда Астана, Алматы, Шымкент қалалары мен өзге де облыстардан келген 2013–2014 және 2015–2016 жылы туған жасөспірімдер мен балалар қатысып, жекелей сында өзара бақ сынады.
Турнир қорытындысы бойынша Абай облысының намысын қорғаған Аягөз қаласы «№5 жалпы орта білім беретін мектебі» КММ-нің оқушысы Қайрбек Арай 2015–2016 ж бойынша жоғары шеберлік танытып, ІІ орын иеленді.
Бұл – жас спортшының табандылығы мен еңбегінің, сондай-ақ жаттықтырушысының жүйелі дайындығының нәтижесі. Жүлдегерімізді шын жүректен құттықтап, алдағы жарыстарда бұдан да биік белестерді бағындыруына тілектеспіз