«Адал ұрпақ» еріктілер клубының облыстық форумы

Қазақстан Республикасы Сыбайлас жемқорлыққа қарсы іс-қимыл агенттігінің
(сыбайлас жемқорлыққа қарсы қызмет) Абай облысы бойынша департаменті мен Абай облысының білім басқармасы «Дарындылық пен қосымша білім беруді дамытудың облыстық ғылыми – әдістемелік «Дарын» орталығы бірлесіп, ағымдағы жылдың 10 сәуірінде «Alikhan Bokeikhan University» базасында «Адал ұрпақ - жарқын болашақ!» тақырыбындағы «Адал ұрпақ» клубтары топтарының облыстық форумы өткізілді.
🔹Форумның негізгі мақсаты – оқушыларды рухани адамгершілікке баулу, азаматтық - патриоттық негізде тәрбиелеу, сыбайлас жемқорлыққа қарсы мәдениетті қалыптастыру, сыбайлас жемқорлыққа қарсы құндылықтар жүйесін сақтау, нығайту, оқушылардың заң талаптарын сақтауға ынтасын қалыптастыру.
Форумға мектебіміздің «Адал ұрпақ» клубының мүшелері – 11 сынып оқушысы Даулетова Дильназ, 10 сынып оқушылары Нусупова Инабат, Базарбекова Ақжарқын, мектеп президенті – Тоқсеитова Айша, мектеп тәлімгері- Мухаметжанова Айжан Нұрланқызы қатысып, өздерінің жасап жатқан игі істерімен бөлісті. Жалпы облыс бойынша 75 қатысушы қамтылды. Іс-шара соңында форумға қатысушылар мен жетекшілер сертификатпен марапатталды.