"Педагог - зерттеушінің үздік портфолиосы"

Абай облысы білім басқармасының Облыстық инновациялық-әдістемелік орталығының ұйымдастыруымен «Педагог-зерттеуші» біліктілік санатына үміткер немесе осы санатқа ие педагогтер арасында облыстық байқау сырттай форматта өткізілді.Байқау екі кезеңнен тұрып, қатысушылардың үздік портфолиолары іріктеліп, жан-жақты бағаланды. Қатысушылар өздерінің кәсіби жетістіктерін, зерттеушілік жұмыстары мен инновациялық тәжірибелерін таныстырды.Аталған байқауға Семей қаласы, Абай, Аягөз, Ақсуат, Бородулиха, Үржар, Көкпекті, Мақаншы, Жарма аудандарынан келген педагогтер, сондай-ақ дарынды балаларға арналған Ш.Уәлиханов атындағы «Жас Ұлан» арнайы ерлер мектеп-лицей-интернатының ұстаздары қатысты.Байқау қорытындысы бойынша жеңімпаздар І, ІІ, ІІІ дәрежелі дипломдармен, ал барлық қатысушылар арнайы сертификаттармен марапатталды.
🥇 І орын — Аягөз ауданы білім бөлімінің №5 жалпы орта білім беретін мектебінің қазақ тілі мен әдебиеті пәні мұғалімі Жумагулова Айгуль Ришатовна ие болды.
Бұл — мектебіміз үшін үлкен жетістік әрі мақтаныш!