«Қазақ тілі мен әдебиеті: оқыту мәселелері және жаңа көзқарас» тақырыбында Қазақстанның қазақ тілі мен қазақ әдебиеті пәндері мұғалімдерінің съезі
2021 жылдың 21 желтоқсанында Л.Н. Гумилев атындағы Еуразия ұлттық университетінде «Қазақ тілі мен әдебиеті: оқыту мәселелері және жаңа көзқарас» тақырыбында Қазақстанның қазақ тілі мен қазақ әдебиеті пәндері мұғалімдерінің съезі өтті. Іс-шараға Білім және ғылым министрі Асхат Аймағамбетов, еліміздің барлық өңірінен келген педагогтер, лингвист-ғалымдар, сондай-ақ жоғары оқу орындарының оқытушылары мен ректорлары қатысты. Съезге қатысушылар тәжірибелерімен бөлісіп, қазақ тілі мен әдебиетін оқыту сапасын арттыру, қашықтан оқытуға байланысты білімдегі олқылықтардың орнын толтыру мәселелерін талқылады. Съезд жұмысына Аягөз ауданы атынан қазақ тілі мен әдебиетінің педагог-шебер мұғалімі, «№5 ЖОББМ» КММ директоры А.А. Канапьянова қатысты.
