«Бір әкенің тәрбиесін жүз мектепте бере алмайды» атты мектепішілік әкелер конференциясы

 Абай облысы білім басқармасы Аягөз ауданы білім бөлімінің «№5 жалпы орта білім беретін мектебі» КММ –сінде «Бір әкенің тәрбиесін жүз мектеп те бере алмайды» атты мектепішілік әкелер конференциясы өткізілді. Конференцияға баласының сайыстарға,қоғамдық жұмыстарға,спортқа,өнерге белсене қатысқан оқушылардың әкелері шақырылды. Мектеп директоры Молдашева Ләззат Тұрсынқызы құттықтау сөз айтып әкелерді марапаттады .  «Әке- ұрпақтың панасы, үйдің басшысы,әрі тәрбиешісі. Ол тек бір отбасының ғана емес,ауылдың, рудың қамқоршысы,ел ағасы» дейді халқымыз. Әр шаңырақта әкенің орны ерекше. Әкенің мінез – құлқы, өзгелермен қарым – қатынасы, өнері мен білімі – баланың көз алдындағы үлгі өнеге алатын, оған қарап өсетін нысанасы. Отбасының пейілі – береке, ынтымағы үшін отағасының әділ, ұстамды болуы орасан маңызға ие. Оның тәрбиелік рөлі де үлкен. Ер бала әкесімен сырлас, жолдас, дос болады. Ол әрқашан бір әрекет жасау үшін әуелі әкесімен сырласады. Ер баланың өсіп, жетіліп, өз алдына жеке тұлға болып қалыптасуына, қоғамдағы өз орнын дұрыс табуына әкенің атқарар еңбегі ерекше. Қазақ халқында «Бір бала бар – атадан өте туады, бір бала бар – кері кете туады» деген тұжырымға, баланың қандай болмағына негіз қалайтын да әкенің өзі.  Әкелер конференциясын мектеп психологы Мадиева Әлия Зайырқызы және педагог-ұйымдастырушы Мухиева Әсемгүл Қалибекқызы жүргізді.Әкелерге әртүрлі сауалдар қойылып , шығармашылық жұмыстар жасатып,жағдаяттар шешкізілді. Оқушылар жыр шумақтарын айтып, әке туралы әндер шырқады.Әкелер кеш соңында конференцияға кері байланыс жасап , жағымды пікірлер айтып, ұсыныстарын білдірді. Әкелер бала тәрбиесі ұлы іс екенін көкейге түйіп қайтты.