Қайырымдылық – ізгіліктің нақты көрінісі, адамның асыл қасиеттерінің бірі.

Қайырымдылық – ізгіліктің нақты көрінісі, адамның асыл қасиеттерінің бірі. Адам өз ұрпағына қайырымдылықты жастайынан үйретіп, адамгершілік қасиеттерге баулуға ұмтылады. Мұқтажы өтелген жанның қуанышын көру, батасын алып, ризашылығына бөлену шынында керемет сезімге бөлейтіні де рас. «Қайырымдылық жасасаң, қайырымын өзің көресің» - деген екен дана халық. Демек, қайырымдылық – халқымыздың ең ізгі қасиеттерінің бірі. Қазіргі таңда елімізде түрлі іс-шаралар мен акциялар ұйымдастырылып, қолдауды қажет ететін адамдарға қайырымдылық қорлары арқылы қол ұшын созатын ізгі жандар көбейіп келеді. Біздің мектебіміз сол қайырымдылық іс-шарасынан қалыс қалмай, белсене ат салысты. Мектебіміздің 8-11 сынып оқушылары, мектеп маңындағы Нұрпеисов15, Нұрпеисов 28,Родионов 26,А.Көшкінбев 91 үйінің тұрғындары, қария ата-апаларымызға барып, ауласының қарын тазалап берді. Оқушылармен бірге мектеп әкімшілігінің мүшелері жетекшілік етіп барды: Тәлімгер - Есенғали А.Е, педагог-ұйымдастырушы Бакишева Р.О, Қосымша білім беру педагогы Мухаметжанова А.Н.
#біртұтас_тәрбие__Абай_облысы_Аягөз