"ЖАЗҒЫ МЕКТЕП"

Білім және ғылым министрі Асхат Аймағамбетовтың оқу жылын аяқтау туралы 2021 жылғы 5 мамырдағы №203 бұйрығына сәйкес «№5 жалпы орта білім беретін мектебі» КММ-де білім сапасын арттыру және пандемия, шектеу шаралары кезеңінде жіберілген білім олқылықтарының орнын толтыру мақсатында ата-аналардың немесе заңды өкілдерінің өтініші бойынша барлық ниет білдірген білім алушылар үшін 26 мамыр мен 19 маусым аралығында "Жазғы мектеп" ұйымдастырылды. Сабақ кестесі мен жұмыс жоспарлары бекітіліп өз жұмысын бастады. Ата-аналар өтініші негізінде мектебімізде 300 оқушы барлық санитарлық талаптарды сақтай отырып, білім алуда. "Жазғы мектеп" білім алушыларының оқу жетістіктері бағаланбайды, үй тапсырмасы берілмейді, мектеп формасы талап етілмейді, мектеп кітапханасына, цифрлық білім беру ресурстарына қолжетімділік қамтамасыз етіледі. Оқушылардың ниет білдірген пәндері бойынша ұстаздарымыз оқушылардың қызығушылығын арттыру мақсатында барлық әдіс-тәсілдерді және АКТ қолдана отырып сабақтарын жүргізу үстінде.