«Жас келсе, іске» атты кезекті «Жас мамандар» отырысы.

11.04.2023 жылы мектебімізде «Жас келсе, іске» атты кезекті «Жас мамандар» отырысы болып өтті. «Ұстазы мықтының-ұстанымы мықты» дегендей бастауыш пәні мұғалімі Тыныбаева Гульнара Даулетбековна «Үлгерімі төмен оқушылардың сабаққа қызығушылығын ояту» тақырыбында өзінің дайындаған баяндамасын ұсынды. Баяндамада баланың жеке басын жан-жақты дамытуға бүгінгі таңда білім беру саласындағы оқу процесіндегі оның үлгерімі негізгі рөл атқарады. Сонымен қатар сабақ барысында өзінің үлгерімі төмен оқушылармен жүргізетін әдіс-тәсілдерімен бөлісті.
Сөз кезегін жас мамандардың жетекшісі Оспанова Күлмесхан Ермухамедовна жастарға жаңашылдық пен адалдықтың негізі жастар екендігін айтып, жас мамандарға бірлікке, жауапкершілікке, адалдыққа шақырып «Жас келсе, іске» деп сөзін аяқтады.
ДОІЖО Сапаргалиева Айжан Максутовна «Ашулы шарлар» жаттығуын жасатты. Жаттығудың мақсаты: бойдағы ашуды, агрессияны сыртқа шығара отырып, барлық негативтен арылу болып табылады. Жас мамандар отырысын «Білекке сенген заманда ешкімге ел бермедік, білімге сенген заманда қапы қалып жүрмейік» деп, Абылай ханның сөзімен қорытындылады.